Abuzimi seksual me 11 vjeçaren në Kosovë, ka nxitur një valë të fortë protestash, si në Prishtinë, Tiranë, por edhe në Shkup. Aktivistja Edlira Çepani gjykon se duhet folur më shumë mbi faktin se dhunuesit e të miturve janë shpesh të mitur dhe vetë.
“Pra janë fëmijë kriminel dhe kjo është gjëja më e tmerrshme dhe kur ne shohim pedofilë të rritur që janë kriminel të një farë lloji, mund edhe të bashkëpunojmë me këtë gjë, por kur shohim që këta kriminelë janë edhe vetë ata fëmijë, kjo tregon që në edukimin e tyre, në mënyrën si ata e perceptojnë humanizmin, shoqërinë, vlerat, familjen dhe të drejtat e njeriut kanë një hendek të jashtëzakonshëm”.
Për të përgjegjësia në radhë të parë për raste të dhunës seksuale bie te institucionet të cilat paguhen me taksat tona dhe duhet të garantojnë siguri.