Aktivistja e klimës, 17 vjeçarja Greta Thunberg nuk ka harruar çfarë ka thënë për të presidenti amerikan, Donald Trump, rreth 11 muaj më parë.
Thunberg ka përdorur pikërisht frazën e presidentit amerikan.
Kujtojmë se në vitin 2019, presidenti i SHBA ishte tallur me Greta Thunberg kur ajo u emërua personi i Revistës Time.
Trump kishte kritikuar vendimin e Revistës Time për të emëruar aktivisten adoleshente të klimës si personin e vitit dhe kishte shkruar: “Kaq qesharake. Greta duhet të punojë për problemin e saj të Menaxhimit të Zemërimit, pastaj të shkojë në një film të modës së vjetër me një mik! Qetësohu Greta, qetësohu!”.
“Kaq qesharak. Donald duhet të punojë për problemin e tij të Menaxhimit të Zemërimit, pastaj të shkojë në një film të mirë të modës së vjetër me një mik! Qetësohu, Donald, Qetësohu!”, ka shkruar Greta Thunberg në një postim në Twitter të enjten, duke iu përgjigjur një cicërimë nga Donald Trump që lexonte “NDALONI NUMËRIMIN E VOTAVE”.