Aktivizohet një vatër zjarri në Shëngjin, një banesë u rrezikua të digjet

Zjarri i cili prej disa ditësh përfshiu Shëngjinin, është shuar ditën e sotme. Agjencia Kombëtare e Mbrojtjes Civile, thotë se u angazhuan 308 efektivë të Forcave të Armatosura, por një tjetër vatër zjarri u aktivizua në anë të rrugës Shëngjin-Velipojë favorizuar nga era e fortë. Ndërhyrja në kohë e punonjësve të shërbimeve në bashkinë e Lezhës bën të mundur lokalizimin e vatrave të zjarrit duke shpëtuar banesën që ndodhej shumë pranë flakëve të zjarrit. Po punojnë forca të shumta nga punonjësit e shërbimeve e po ashtu dy zjarrfikëse nga porti i Shëngjinit janë në gatishmëri në këtë zonë që ende vijon të jetë problematike për shkak të erës.