Aktori i njohur i humorit Florjan Binaj ka treguar se cilët nga “artistët” e politikës shqiptare e bëjnë më shumë për të qeshur.
I ftuar në “Kurthin e Piter Pan” Binaj ka thënë se kurorën e “Mister Buzëqeshja” për të e mban ish-kryetari i Partisë Demokratike, Lulzim Basha, ndërsa atë të “Miss” sipas aktorit e mban ministrja për rininë dhe fëmijët, Bora Muzhaqi.
“Nga meshkujt ish-kryetari i Partisë Demokratike, Lulzim Basha, ndërsa nga femrat është ajo ministrja e rinisë se ia harrova dhe emrin se kishte thënë dhe një perlë sot se është një aplikant që nuk ka aplikuar, pra është një aplikant jo aplikues, pra kishte thënë një gafë të tillë”, tha Binaj.
Alketa Vejsiu: Kisha një pyetje shumë direkte, nga artistët e politikës shqiptare, kush të bën më shumë për të qeshur?
Florjan Binaj: Ata janë të gjithë për të qeshur. Ata janë gallatë non stop.
Alketa Vejsiu: Po kush është Miss apo Mister Buzëqeshja i politikës së Shqipërisë sipas Florit?
Florjan Binaj: Këto vitet e fundit janë 2. Nga meshkujt ish-kryetari i Partisë Demokratike, Lulzim Basha, ndërsa nga femrat është ajo ministrja e rinisë se ia harrova dhe emrin se kishte thënë dhe një perlë sot se është një aplikant që nuk ka aplikuar, pra është një aplikant jo aplikues, pra kishte thënë një gafë të tillë.