Aktorja turke Hande Erçel e cila u bë e njohur për shqiptarët në rolin e saj si Hayat në telenovelën “Jetë” ka humbur nënë e saj. Faqja turke “Haberler.com”, shkruan se Aylin Erçe u nda nga jeta mëngjesin e sotëm.
Nëna e aktores turke po trajtohej nga kanceri por fatkeqësisht nuk e fitoi dot betejën me sëmundjen e rëndë. Ajo ishte përkeqësuar javën e fundit të vitit 2018, dhe Hande ishte shprehur edhe nëpër intervista se sa keq ndihej për nënën e saj.