Për të parandaluar përhapjen e koronavirusit në vend, qeveria vendosi një akt normativ, i cili prekte edhe mediat.
Në akt shkruhej se të gjitha transmetimet audiovizive me më shumë se dy persona në të njëjtën studio televizive dënohen me gjobë në masën 1000 000 (një milion) lekë dhe në rast përsëritjeje iu shtohet edhe vendosja e bllokimit, të pjesshëm ose të plotë, të transmetimit.
Pas kësaj, shumë emisione ndaluan transmetimet, pasi është e vështirë që të plotësohet kushti i vendosur nga qeveria.
Megjithatë, në këto ditë karantinimi kemi një lajm të mirë.
Në datën 3 prill, në “Top Channel” do të nisë një realty shoë, i cili në thelb ka argëtimin.
Ai mban titullin “Aventurierët” dhe të rinjtë janë bërë pjesë e sfidave të ndryshme që do na mbërthejnë para ekranit.
Në trailerin promocional të publikuar nga “Top Channel” shfaqen tetë personazhe mes të cilëve është edhe ish-banorja e “Big Brother” Donjeta Sejdiu.
Nga ajo që shihet në trailer, kuptohet se shoë i ri ka të bëjë me jetën e 8 të rinjve dhe mezi po e presim!