Autoriteti Kombëtar i Ushqimit ka ushtruar kontrolle në subjekte që tregtojnë produkte të mishit, mishit të pulës dhe të vezëve, në magazina frigoriferike, në supermarkete dhe fastfood-e. AKU ka gjobitur 13 subjekte me gjobë në vlerën 6.150.000 lekë, si dhe ka bllokuar sasinë prej 21.840 kokrra vezë dhe produkte sallamerie të pasigurta për konsum.
Njoftimi
Vlorë, AKU ndëshkon 13 subjekte për tregtim të ushqimit të pasigurt
Në Qarkun e Vlorës, trupa inspektuese e Autoritetit Kombëtar të Ushqimit, ka vijuar me kontrollet dhe monitorimet në subjekte që ushtrojnë aktivitetin e tregtimit të produkteve të mishit, mishit të pulës dhe të vezëve, në magazina frigoriferike, në supermarkete dhe fastfood-e.
Gjatë ushtrimit të kontrolleve janë konstatuar tregtim i ushqimit të pasigurt, në mungesë gjurmueshmërie, etiketimi, kundëretiketë në gjuhën shqipe dhe vezë të vendosura në kuti pa vulë dhe logon përkatëse.
Për shkeljet e konstatuara, trupa inspektuese e AKU-së vendosi masa administrative me gjobë në vlerën 6’150’000 lekë, si dhe u krye bllokimi i sasisë prej 21’840 kokrra vezë dhe produkte sallamarie të pasigurta për konsum.
Autoriteti Kombëtar i Ushqimit është i pranishëm në terren në të gjithë vendin, për garantimin e ushqimit të sigurt për konsumatorin.
