Presidenti i Kosovës Hashim Thaçi ka dhënë një intervistë për median zviceriane “20 Minuten” . Gjatë intervistës Thaçi ka komentuar akuzat për trafikim të organeve dhe lëndëve narkotike nga ana e eurodeputetit të Këshillit të Europës, Dick Marty.
“Jam fokusuar në qëllimin e anëtarësimit në BE dhe NATO dhe dëshiroj të bëj reforma në Kosovë. Thashethemet nuk më largojnë nga ky qëllim. Këto thashetheme kanë qenë rreth 30 vite më parë, së pari të shpërndara nga Serbia, pastaj nga kundërshtarët e Pavarësisë së Kosovës. Do të ketë gjithmonë idiotë në botë”, është shprehur ai.