Kryeministri Edi Rama ka reaguar në lidhje me akuzat e ngritura ndaj tij për shitjen e detit te shteti grek, ku me një postim në rrjetet sociale i është kundërpërgjigjur opozitës.
Ai i quan llum nacional-folklorik, duke shtuar se kjo është një marrëzi për përfitime politike, ndërsa shprehet se se e drejta e 12 miljeve ushtrohet vetëm aty ku është e mundur.
“Llumi nacional-folklorik i politikës shqiptare pa kufij, pa din e iman, është derdhur sërish në oqeanin digjital përmes shpifjes së madhe të “shitjes së detit” Greqisë! Këtë marrëzi ekstreme për përfitime politike mund ta besojnë vetëm ata që s’duan të dëgjojnë e as të kuptojnë!” shkruan Rama në Twitter.