Portieri i skuadrës së Volos, Boris Kleiman, akuzohet se ka abuzuar seksualisht me një minorene belge, e cila kishte shkuar me pushime së bashku me miqtë e saj në Greqi.
Ishin miqtë e vajzës që lajmëruan policinë dhe më pas 33-vjeçari u shoqërua për në komisariat, ku u identifikua.
Policia i gjeti gjatë arrestimit lëndë narkotike, e cila iu konfiskua menjëherë, ndërsa në ditët në vijim pritet të merret edhe një vendim nga ana e Prokurorisë së Athinës. Ndërkohë, klubi i Volos ka marrë masa, duke e përjashtuar nga skuadra.