Kryetari i PD, Lulzim Basha, ka deklaruar sot për mediat se edhe gjatë qeverisjes së Sali Berishës ka pasur korrupsion, ndërkohë që po fliste për arrestimin nga SPAK të ish-ministrit Lefter Koka.
Gjatë konferencës me gazetarët, Basha u përballu me pyetjet e gazetarëve, në lidhje me korrupsionin për të cilën ai është akuzuar.
Gazetarja e RTSH-së, Anisa Kadesha, duke i kujtuar deklaratën e mëparshme Bashës, u shpreh se në fakt, ai është i vetmi ministër i qeverisjes së PD i akuzuar për korrupsion.
“Meqenëse i referoheni herë pas here, korrupsionit të qeverisjes së PD-së. Keni ndonjë emër konkret kush ka qenë i korruptuar, pasi me sa kujtohemi vetëm ju keni patur një dosje për korrupsion për Rrugën e Kombit, në cilësinë e ministrit të Transporteve”, i tha gazetarja.
Duke iu përgjigjur pyetjes, Basha tha se ai kishte kërkuar që t’i hiqej imuniteti, por gjykata e mbylli çështjen.
“Ajo çështje e mori përgjigjen e vet, sepse vetë përgjigja e drejtësisë tregon se e gjitha ishte një sulm i keqorganizuar politik, pasi askush nuk e di për çfarë u ngrit ajo akuzë.
Vendimi i Gjykatës së Lartë, i formës së prerë, konkludoi se prokuroria nuk arriti të ngrejë një akuzë të vërtetë, por unë u përballa”, përgjigje Basha.