Me anë të një postimi në rrjetin social, Facebook, ish kryeministri Albin Kurti, ka komentuar rënien e qeverisë Hoti, si dhe ka ‘ndezur motorët e fushatës’ për zgjedhjet e përgjithshme që priten të mbahen më 14 Shkurt.
Kurti shprehet se zgjedhjet e parakohshme janë të vonuara pasi qeveria e kryministrit Hoti ka qenë ilegjitime dhe anti-kushtetuese.Për sa i përket 14 Shkurtit, kreu i LVV-së thekson se ajo është dita kur politika e keqe ndodhet para gjyqit popullor.
Postimi i plotë: Pas shtatë muajve na u dëshmua ajo që dihej nga fillimi. Zgjedhja e qeverisë koti ka qenë kot. Zgjedhje e paligjshme, jokushtetuese.
Kemi humbur shumë vite, jo vetëm muaj. Këto zgjedhje nuk janë të parakohshme por të vonuara. Mirëpo, këto zgjedhje janë referendum. Me 14 shkurt politika e keqe ndodhet para gjyqit popullor.
Punë e arsim, drejtësi e shëndetësi. Kaq duan qytetarët. Qeveria jonë e re do të jetë shërbim i mirë. Sepse qytetari është mbreti i republikës.
Me 14 shkurt, festën e zemrës e bëjmë edhe kremte të demokracisë.