Partia Demokratike do të dalë me kandidat për kryebashkiak dhe këshilltar në të gjitha bashkitë e vendit ne zgjedhjet vendore të 14-majit të vitit 2023. Kështu u shpreh kryetari i grupit parlamentar të kësaj force politike Enkelejd Alibeaj, gjatë një takimi me strukturat në Mirditë.
Alibeaj shtoi se demokratet nuk mund të jenë pjesë e Partisë së Lirisë, ndërsa akuzoi grupin e Rithemelimit se ka votuar në parlament njësërë projekt vendimesh që i shërbenin Edi Rames.
‘Disa kanë gjetur të distancohen nga vlerat e PD-së që kemi pasur. Synimi i takimit është riorganizim për të nxjerrë nga Kryesia e PD-së disa njerëz me kontribute, njerëz që i kemi pasur në krah. PD është këtu. E të qenit demokrat është e të qenit koherent. Ky është besimi ynë politik. Me gjithë diferencat që mund të kemi, janë këto vlera që na mbajnë ne bashkë. PD do marrë pjesë në zgjedhjet lokale 2023 me formacion të plotë. Jo vetëm këtu, por në gjithë Shqipërinë, është detyrim i PD-së”,- u shpreh Alibeaj.