Altin Bojni do të jetë kandidati për Bashkinë e Matit, dhe emri u konfirmua edhe nga mbledhja e Kryesisë së PS. Deputeti i PS, Agron Malaj, i cili ka drejtuar këtë bashki, shkruan që Bojni është një njeri që njeh nga afër çdo lagje, çdo fshat dhe çdo njeri. ”Jam i bindur që Altini ka jo vetëm mbështetjen time absolute por dhe të gjithë Partisë Socialiste e matjanëve të ndershëm e punëtore. Jam gjithashtu i bindur që edhe këtë garë do ta udhëheqë me dinjitet”,-shkruan Malaj.
Postimi i plotë
Altini është një emër i njohur nga matjanët për përvojën, përkushtimin dhe ndershmërinë. Një qytetar model, prind shembullor dhe njeri që i njeh mirë sfidat e komunitetit tonë. Me vite në administratë dhe së fundmi në krye të Këshillit Bashkiak, Altini ka treguar se di të dëgjojë, të bashkëpunojë dhe të udhëheqë me qetësi e vendosmëri. Ai e njeh nga afër çdo lagje, çdo fshat dhe çdo njeri të zakonshëm që pret një bashki më afër njerëzve.
Partia Socialiste e Matit ka bërë një zgjedhje të drejtë, duke i besuar këtë përgjegjësi një personi që mishëron vlerat e punës, qytetarisë dhe besimit tek puna e përbashkët. Në çdo mandat, puna dhe përkushtimi kanë qenë busulla jonë politike dhe jam i bindur se Altini do të dijë ta çojë përpara këtë frymë bashkëpunimi e zhvillimi që na ka bashkuar si komunitet.
Jam i bindur që Altini ka jo vetëm mbështetjen time absolute por dhe të gjithë Partisë Socialiste e matjanëve të ndershëm e punëtore. Jam gjithashtu i bindur që edhe këtë garë do ta udhëheqë me dinjitet.
I uroj suksese në këtë rrugëtim të ri në shërbim të Matit, me bindjen se puna e mirë nuk ndalet, por vazhdon me të njëjtin përkushtim dhe dashuri për vendin tonë.