“Ritfolk” rikthehet fuqishëm me një koncert më datën 8 qershor. Një nga grupet më të pëlqyera për publikun dhe revolucionarë të muzikës pop-rock të viteve ’90.
Altin Goci Saimir Braho, Aleks Mazniku dhe Enris Qinami bashkojnë grupin për të sjellë për publikun repertorin e tyre muzikor. Këngë si “Ëndërroj”, “Drejt fatit tim”, “Dëshirë dhe heshtje” etj, janë disa nga këngët e tyre që u shndërruan në hite asokohe dhe ende sot publiku i kujton me shumë nostalgji.
I ftuar në ”Wake Up” në Top Channel, kantautori Altin Goci rrëfeu detaje rreth projektit më të ri por dhe arsyet pse grupi nuk arriti asnjëherë të vlerësohesh me çmime të rëndësishme pavarësisht se këngët e tyre janë kënduar në masë nga publiku.