Këtë javë do të flasim për vettingun thotë ambasada amerikane në postimin e saj në Facebook këtë mëngjes. Në videon e fundit, që shënoi 2-vjetorin e miratimit të reformës në drejtësi ambasada kishte bërë një përmbledhje të ecurisë së këtij procesi, duke treguar rëndësinë e tij.
“Në videon tonë të fundit, ne ju njohëm me një përmbledhje të reformës në drejtësi. Këtë javë, do të flasim për vetingun. Me siguri ju keni dëgjuar për këtë proces, por përse është vetingu i rëndësishëm? Përse reforma në drejtësi vendosi një proces rivlerësimi për gjykatësit dhe prokurorët dhe si do e ndryshojë kjo sistemin shqiptar të drejtësisë? Shihni këtë video dhe mësoni se si procesi i vetingut do të sigurojë që të gjithë të jenë të barabartë përpara ligjit”, thotë ambasada në postimin shoqëruar me një video shpjeguese se çfarë është procesi i rivlerësimit.
