Ndërsa vendet europiane nën bllokim kanë ngadalësuar qarkullimin e zakonshëm dhe prodhimin për të luftuar pandeminë e koronavirusit, ndotja atmosferike duket se është zvogëluar.
Po në Tiranë çfarë po ndodh në këtë kohë izolimi?
Ambasada e BE gjatë kësaj periudhe në Shqipëri ka bërë një monitorim të ajrit në Tiranë. Në një video të publikuar në mediat sociale, BE shkruan se ajri në Tiranë është pastruar gjatë ditëve të fundit dhe ky është një lajm shumë i mirë.
Po ashtu theksohet se në kryeqytet është shënuar niveli më i ulët i ndotjes për herë të parë që nga fillimi i zbatimit të projektit “Green Lungs”. Në mbrëmjen e 7 prillit u regjistrua për herë të parë në zonën e 21 Dhjetorit vlera 0mg/m3 për grimcat PM2.5 dhe PM10.
“Përveç lajmit të mirë se thuajse përditë shtohet numri i personave të shëruar nga COVID-19, një tjetër lajm i mirë gjatë këtyre ditëve të karanitinës është përmirësimi i cilësisë së ajrit. Në Tiranë është shënuar niveli më i ulët i ndotjes për herë të parë që nga fillimi i zbatimit të projektit #GreenLungs, i financuar nga Bashkimi Evropian dhe i zbatuar nga rrjeti organizatave mjedisore të udhëhequra nga Co-PLAN Institute for Habitat Development dhe Milieukontakt Albania (member of Milieukontakt International Netëork). Në mbrëmjen e 7 prillit u regjistrua për herë të parë në zonën e 21 Dhjetorit vlera 0mg/m3 për grimcat PM2.5 dhe PM10”, shkruan delegacioni i BE në Tiranë.