Ambasada e Rusisë në vendin tonë ka reaguar pas deklaratës së Ministrisë për Evropën dhe Punët e Jashtme e Shqipërisë, e cila dënoi sulmet e kryera nga forcat ruse më 6 mars, si pasojë e të cilave u dëmtuan ambientet e Konsullatës së Nderit të Shqipërisë në Kharkov. Ajo e përgënjeshtroi këtë lajm duke thënë:
“Ne refuzojmë me vendosmëri akuza të tilla. Që nga fillimi i operacionit special në Ukrainë kemi deklaruar se Forcat e Armatosura të Rusisë nuk qëllojnë objektet e infrastrukturës civile, synojnë të përjashtojnë humbjen e jetëve në mesin e popullatës civile. Ne kërkojmë informimin e vërtetë të publikut.”