Ambasadori ukrainas Sergiy Kyslytsya, ka reaguar në lidhje me kërcënimin e presidentit rus Vladimir Putin për përdorimin e armëve bërthamore.
Në fjalën e tij në Asamblenë e Përgjithshmë të OKB-së e cila zhvilloi mbledhje për luftën në Ukrainë, ai tha nëse Vladimir Putin dëshiron të vrasë veten, nuk ka nevojë të përdorë armë, por mund të vetëvritet ashtu si Adolf Hitleri në maj të vitit 1945 në bunkerin e tij në Berlin të Gjermanisë.
“Nëse ai dëshiron të vrasë veten, ai s’ka pse të përdorë arsenalin bërthamor. Më mirë të bëjë atë që bëri ai tipi në bunkerin e Berlinit, në maj të vitit 1945”, – tha ai.
Rusia sulmoi Ukrainën mëngjesin e 24 shkurtit 2022. Ministria e Shëndetësisë e Ukrainës ka bërë me dije se të paktën 352 civilë ishin vrarë, duke përfshirë 14 fëmijë, ndërsa 1684 persona të tjerë u plagosën.
Luftimet kanë bërë që më shumë se 500,000 njerëz të largohen nga shtëpitë e tyre, ndërsa miliona po kërkojnë strehim në bunkerë nën tokë.