Ambasadorja amerikane në Shqipëri ka folur nga Shkodra për arrestimin e gjyqtares Mimoza Margjeka dhe mungesën e Gjykatës Kushtetuese.
Ajo thotë se përshëndet arrestimet me urdhër të SPAK dhe shpreson që kjo strukturë të jetë plotësisht funksionale.
“Është një gjë e mirë dhe ka ardhur koha që SPAK të jetë plotësisht funksional. Disa po përpiqen t’i pengojnë në punën e tyre madje do të intimidojnë gjykatësit dhe prokurorët, por ka ardhur koha t’u qëndrojnë fort këtyre personave që përpiqen t’i bulizojnë”, tha ajo.
Ndërsa për mungesën e Gjykatës Kushtetuese për diplomaten amerikane është e papranueshme për një vend anëtar i NATO dhe kandidat për në BE.Ajo bëri të ditur se me kreun e Kuvendit Gramoz Ruçi është rënë dakord që Gjykata Kushtetuese të krijohet deri në fund të vitit.
“Mungesa e GJK situatë e papranueshme për një vend që është pjesë e NATOS dhe kandidate për në BE. Opinioni i Komisionit të Venecias ofron mundësi për të ecur përpara”, ka thënë Kim për gazetarët.