Së fundmi edhe “American Express” ka vendosur se do të pezullojë kartat e kreditit dhe do t’i japë fund të gjitha operacioneve të saj në Rusi dhe Bjellorusi, në një kohë kur pushtimi rus në Ukrainë po përshkallëzohet gjithnjë e më shumë.
Të dielën, kompania mbajti një deklaratë për mediat ku njoftoi se kartat e lëshuara globalisht nga “American Express” nuk do të funksionojnë më në Rusi e Bjellorusi si dhe anasjelltas. Kompania e kartave të kreditit bëri me dije gjithashtu se po përfundon operacionet e saj të biznesit në Bjellorusi.
“Kjo është shtesë e hapave të mëparshëm që kemi ndërmarrë, të cilat përfshijnë ndërprerjen e marrëdhënieve tona me bankat në Rusi të ndikuar nga sanksionet e SHBA dhe qeverisë ndërkombëtare,” u shpreh American Express në deklaratën e së dielës.
Mastercard tha të shtunën se po pezullonte shërbimet e saj të rrjetit në Rusi dhe Visa gjithashtu njoftoi të shtunën se po pezullonte të gjitha operacionet atje.