Mesa mësohet së fundmi, Presidenti i SHteteve të Bashkuara të Amerikës ka vendosur t’i dhurojë Ukrainës armë shtesë mbrojtëse të teknologjisë së lartë, ku si pjesë e tyre përfshihen edhe “dronë kamikazë”. Sipas asaj që raporton “Skynews”, ushtarët ukrainas do të duhet të trajnohen paraprakisht për përdorimin e tyre.
Ditën e djeshme, Presidenti Joe Biden njoftoi se do ofrojë 800 milionë dollarë ndihmë të re ushtarake për Ukrainën, duke përfshirë 800 raketa shtesë kundërajrore Stinger, 9,000 armë antitank, 100 dronë taktikë dhe një sërë armësh të vogla si granatahedhës.
Kjo armë e cila mbahet fare thjeshtë në një çantë shpine, cilësohet nga zyrtarët amrerikanë si “dron kamikaze”, sepse pas goditjes droni shkatërrohet dhe shpërthen.