Analisti Enton Abilekaj ka folur për primaret e Partisë Demokratike në Tiranë. I ftuar në emisionin “Të Paekspozuarit”, Abilekaj tha se Këlliçi është i penalizuar në primare për faktin se ai gjatë përplasjes brenda PD-së mori pozicion pro njërës palë. Ai gjithashtu deklaroi se kandidati i PD duhet të japë mesazhin e fortë se është kundër Ramës, Veliajt dhe oligarkëve që i rrethojnë, në mënyrë që të ketë shansin që të marrë votën gri, por Këlliçi dështoi ta bëjë këtë.
“Nuk është turp të jesh amatorë, apo politikan i ri në këtë politikë. Të jesh politikan profesionist nuk është edhe aq mirë, sepse e dimë çfarë ka sjellë politika. Këtu Këllici nuk ka shumë përgjegjësi, sepse është politikan i ri. Ka patur fitore, ka patur edhe probleme. Por nuk mund të fajësohet si politikan.
Ajo që e penalizon Këllicin, duke u përfshirë në një debat mes Foltores dhe PD zyrtare, ai duhet të vuajë pasojat. Ish mbështetësit e Bashës, vijojnë akoma flasin kundër Berishës nuk votojnë kurrë për kandidatin e Berishës dhe Këlliçin që ka qenë protagonist i këtij debati.
Ne sot po vuajmë të rrëzojmë një sistem. Kandidati duhet të mbledhë votat gri, por të japë mesazhin që ne po sundohemi nga një sistem, ku Veliaj është një ingranazh që duhet shkatërruar, sepse ndryshe shkatërrohet vendi. Këtë mesazh Këllici dështoi ta jeptë këtu.
Për çfarë duhet Bashkia e Tiranës? Nëse vijon me të njëjtat leje dhe biznesmenë…
Pavarësisht se kush është në pushtet, do të vijojë ky sistem”, tha ndër të tjera Abilekaj.