Andi Artani dhe Atdhe Xharavina ishin dy prej djemve më të pëlqyer dhe të komentuar të “Për’Puthen”, në sezonin e dytë, dhe gjatë emisionit ata krijuan edhe shumë afrimitet.
Mirëpo, pas daljes nga emisioni miqësia e tyre zgjati shumë pak, dyshja zbuluan se nuk ishin më miq por pa treguar arsyen.
Së fundi Atdheu ka vendosur të tregojë shkakun se ata nuk kanë më shoqëri me njëri-tjetrin. Ai rrëfeu se ka qenë personi që ka pajtuar Andin dhe Jasminën gjatë krizave të tyre në lidhje por pasi ata u ndanë, Andi kërkoi që të mos publikonte më foto me Jasminën dhe ai e ka respektuar kërkesën e tij. Por sipas Atdheut ka ndodhur krejt e kundërta në rastin ku ai është ndarë nga Sara, duke u shprehur se ka patur dhe arsye të tjera por kjo ishte “kulmi”.
Ndërkohë, Andi ka reaguar për herë të parë në “Prive”, në intervistën e tij 60 sekonda. Ai zgjodhi ta komentojë shkurt, duke thënë thjesht “Pa lidhje, e din ai vetë”, i pyetur për arsyen.
Të dy djemtë, ndërkohë, janë shumë aktivë në rrjetet sociale. Atdheu jep shpesh intervista edhe nëpër televizione, ndërkohë Andi i është futur edhe moderimit. Së fundmi përflitet se ai do të jetë pjesë e “Big Brother”, ndonëse nuk ka konfirmuar asgjë deri më tani.