Takimi i pestë i konferencës së anëtarësimit me Shqipërinë, do të mbahet më 22 maj 2025 në Bruksel. Lajmi jepet në faqen zyrtare të Këshillit të BE-së.
Takimi do të shërbejë për të hapur negociatat me Shqipërinë mbi Grupin 3 ‘Konkurrueshmëria dhe rritja gjithëpërfshirëse’, duke përfshirë Kapitullin 10 (transformimi dixhital dhe media), kapitullin 16 (taksimi), kapitullin 17 (politika ekonomike dhe monetare), kapitullin 19 (politika sociale dhe punësimi), kapitullin 20 (politika e ndërmarrjeve dhe industriale), kapitullin 25 (shkenca dhe kërkimi), kapitullin 26 (arsimi dhe kultura) dhe kapitullin 29 (bashkimi doganor).
Rama ka paralajmëruar se deri në vitin 2027 do të mbyllen grupkapitujt e negociatave për hyrjen e Shqipërisë në Bashkimin Europian. Kreu i qeverisë ka premtuar se Shqipëria do të jetë gati për të hyrë në BE-së brenda vitit 2030.