10 persona kanë rënë në prangat e policisë së Elbasanit ndërsa një tjetër është vënë nën hetim pasi akuzohet për drogë.
Raportohet se në pranga falë operacionit të koduar “Lugaxhi” janë vënë, E. B., 36 vjeç, G.M., 28 vjeç , A.C., 38 vjeç, të tre banues në fshatin Lugaxhi, Elbasan, E.Q., 27 vjeç, V.C., 22 vjeç, R.A., 23 vjeç, dhe E.Q., 17 vjeç, banues në Elbasan.
A.B., 20 vjeç, A.B., 20 vjeç, A. B., 26 vjeç, të tre banues në fshatin Rinas-Gurakuq, Elbasan .
Si dhe u procedua penalisht në gjendje të lirë shtetasja K. P.
Arrestimi i këtyre personave u bë pasi gjatë kontrollit të dy automjeteve që drejtoheshin nga A.B. dhe E. Q., si dhe gjatë kontrollit të ushtruar në lokalin e E. Q., dhe motoçikletës që drejtohej nga G.M., shërbimet e Policisë kanë gjetur dhe sekuestruar 5 kilogramë lëndë narkotike kanabis sativa, një pjesë e bërë në doza gati për shitje, doza me lëndë narkotike kokainë, 3 automjete, 1 motoçikletë, 10 telefona celular, 1 peshore elektronike, si dhe një shumë parash që dyshohet se janë të përfituara nga shitja e lëndës narkotike.