Shtetet e Bashkuara të Amerikës po përpiqen të arrijnë një marrëveshje me Poloninë, me qëllim që t’i vijnënë ndihmë Ukrainës duke e furnizuar me avionë ushtarakë të prodhimit rus, deklaroi Sekretari amerikan i Shtetit, Antony Blinken.
Duke qenë se pilotët ukrainas dinë të përdorin vetëm këta avionë, Blinken tha se SHBA-ja mund të ofrojë avionë të tjerë për Poloninë si kompensim për dërgesat në Ukrainë.
“Ne po shikojmë në mënyrë aktive çështjen e avionëve që Polonia mund t’i ofrojë Ukrainës dhe jemi duke parë se sa mund t’i furnizojmë ne më pas ata, nëse Polonia vendos të dërgojë avionë në Ukrainë. Nuk mund të flas për afate, por mund të them se jemi duke punuar në këtë drejtim në mënyrë shumë, shumë aktive” tha Blinken.