Kryeministri Edi Rama, ka theksuar rëndësinë e sektorit të turizmit për vendin tonë, sektor i cili sipas tij në vitin e shkuar solli 4.2 miliard euro të ardhura.
Sa i përket faktit se ku kanë shkuar këto para, Rama dhe se një fond i konsiderueshëm dhe i padeklaruar ka shkuar i paprekur te familjet që kanë dhënë me qira apartamentet e tyre me sistemin Airbnb.
Rama tha se qeveria qëllimisht nuk i ka ngacmuar këto familje, pasi sipas tij ende nuk është momenti për t’u vendosur taksa për pronat qe jepen me qira ne Airbnb, por ka lenë te kuptohet qe qeveria do e ndërmarre ketë hap.
“Familjet në Tiranë, Durrës, Shkodër dhe vende të tjera që japin me qira apartamentet e tyre, me skemën e Airbnb për turistët që nuk shkojnë në hotele, sepse 10 milion turistë nuk përputhen me shtretërit që kemi në hoteleri.
Dhe ky fond është një fond i padeklaruar, e cila e gjitha e paprekur shkon te familjet.
Qëllimisht në kemi qenë liberal dhe të vetëdijshëm që nuk është ky momenti për të ndërhyrë me taksime në këtë pjesë dhe për të ngacmuar familjet.
Një tjetër pjesë e këtyre të ardhurave ka influencuar në mënyrë të ndjeshme pagat. Pagat e industrisë. Ne sot kemi një industri turizmi që është gati të paguajë pa asnjë lloj dallimi ne Greqinë”, tha Rama.