I shoqëruar nga policia Jamarbër Malltezi shkoi sot në SPAK për tu marrë në pyetje lidhur me hetimin për aferën e privatizimit të kompleksit Partizani.
Malltezi u mor në pyetje për 4 orë. Dhëndri i ish kryeministrit është në hetim për ‘korrupsion pasiv’ e ‘pastrim parash’ lidhur me aferën e privatizimit të kompleksit sportiv Partizani, pas të cilit u ndërtuan 19 kulla dhe sipas SPAK fitimi i tij ishte 5.4 mln euro.
Ndërkohë vjehrri i tij, ish-kryeministri Sali Berisha do të vijojë të qëndrojë në masën arrest shtëpi. Gjyqtarja e Apelit të GJKKO-së, Ilirjana Olldashi rrëzoi sot ankimin e Berishës i cili kërkonte lirinë. Pas shpalljes së vendimit, avokati i ish-kryeministrit, Genc Gjokutaj tha se vendimit do t’i bëjnë rekurs në Gjykatën e Lartë.