Gjykata e Apelit të Tiranës ka lënë në fuqi vendimin e shkallës së parë për kreun e PD-së, Lulzim Basha dhe dy zyrtarët e tjeër të PD përsa i përket lobimit në SHBA.
Në seancën e sotme nuk u paraqit asnjë provë e re dhe Gjykata e shpalli të pafajshëm kreun e PD-së për herë të dytë.
Prokuroria e Shkallës së Parë akuzonte Bashën për falsifikim formularësh bashkë me ish-sekretarin e përgjithshëm të PD, Arben Ristani dhe financierit, Ilir Dervishi.
Pas shpalljes i pafajshëm të Bashës nga Gjykata e Shkallës së Pare, Prokuroria ankimoi vendimin, duke vijuar akuzën për falsifikim formularësh nga Basha, pasi dyshohej se kishte fshehur dy pagesa të kryera në SHBA për lobim, dhe madje edhe një lidhje me Nik Muzin, por nuk u gjetën prova prandaj dhe akuzat ranë.
Ndaj këtij vendimi ka reaguar dhe kreu i grupit parlamentar të PS-së, Taulant Balla. Sipas tij mbaroi koha kur drejtësinë e bënin gjyqtarët pa veting. Për të ky vendim thjesht ka vonuar drejtësinë.
