Smartphone, kompjuteri e deri tek makina mund të bëhen spiunë nëse nuk dini të mbroheni, ndonjëherë dhe nga vetë partneri juaj. Këtë e nxjerr në dritë një raport i Citizen Lab i universitetit të Torontos, i quajtur “Predator në xhepin tuaj”, sipas të cilit teknologjia është tashmë pjesë integrale e dhunës në familje.
Studime të ndryshme, tregojnë ekspertët kanadezë, kanë lidhur stalking me programet e spiunimit, që quhen pikërisht “stalkware” dhe që shpesh publikohen si aplikacione të “mira”, si për shembull kontrolli i fëmijëve apo i punonjësve. Një studim në Kanada për shembull ka gjetur se 98% e autorëve të dhunës kundër partnerit kishin përdorur teknologjinë për të intimiduar apo kërcënuar viktimën dhe 72% kishin hakeruar emailet apo llogaritë në rrjetet sociale të grave të tyre.
Mënyrat e spiunimit janë të ndryshme. Ka dhjetëra aplikacioni që shkarkohen lehtësisht.