Kompania Apple ka nisur një plan riparimi falas për modelet iPhone 6 dhe iPhone 6S, në lidhje me një komponent të karikimit të baterisë.
”Jo të gjithë iPhone 6 dhe 6S janë të përfshirë”, thekson faqja e internetit e MacRumors, që shton se telefonat më të prekur nga problemi janë shitur midis tetorit 2018 dhe gushtit 2019.
Për të kontrolluar nëse pajisja juaj është në këtë lloj, mund të shkoni në faqen e internetit të Apple dhe të kontrolloni numrin serial.
Pas verifikimit, mund ta çoni iPhone-in në një qendër riparimi Apple.
Telefonat inteligjentë të prekur nga problemi kanë vështirësi në rimbushjen dhe, në rastet më serioze, ata madje as nuk ndizen.
Zëvendësimi i komponentit të dëmtuar nuk përfshin ndonjë kosto për sa kohë që ndërhyrja kryhet nga një qendër e autorizuar nga kompania e Cupertino-s.
Plani i zëvendësimit dhe riparimit do të mbetet i disponueshëm brenda dy viteve nga data e blerjes së smartfonit.