Dje në mediat rozë bëri bujë lajmi se Arbana Osmani, e cila aktualisht ka emisionin mjaft të shikueshëm “Dua të të bëj të lumtur”, do të braktiste Top Channel pas shumë vitesh.
Iconstyle shkruan se zëra brenda televizionit thonë që ishte moderatorja e njohur e ekranit shqiptar, që vendosi të largohej pas debatit me drejtorin. Por pas dy ditësh negociatash me drejtorin e televizionit, Ben Blushi, ajo rikthehet në Top Channel.
Arsye e debatit mësohet se ka qenë kërkesa e saj për një vlerësim më të lartë monetar, për të cilën më pas duket se kanë rënë dakord.
Moderatorja drejton emisionin “Dua të të bëj të lumtur” dhe është një prej figurave më të vjetra që i ka qëndruar besnike televizionit.