Ditët e fundit në media po përflitet për largimin e moderatores Arbana Osmani nga Top Channel.
Pas një sherri me drejtorin Ben Blushi u raportua se moderatorja do të braktiste ekranin e televizionit me të cilin është rritur artistikisht.
Në media u aludua se shkak i sherrit ishte Renato Mekolli, për të cilin pretendohet se i kishte zënë një të studios ‘Dua të të bëj të lumtur’.
Mekolli mohoi lajmet, ndërkohë që pas disa orësh negociata, Arbana vendosi të vazhdojë të qëndrojë në Top Channel.
Së fundmi ka reaguar vetë moderatorja, e cila me anë të një postimi në Instastory ka uruar femrat e stafit të saj për festën e 8 Marsit.
‘Femrat më të forta që njoh janë në skuadrën time’, ka shkruar Arbana krahas fotos së gazetareve të emisionit ‘Dua të të bëj të lumtur’, ndërkohë që i ka surprizuar ato me buqeta lulesh dhe dhurata.