Pas shkarkimit nga Rama, në media u përfol për një hetim të mundshëm nga SPAK për ish-ministrin e Rindërtimit Arben Ahmetaj.
Por Struktura e Posaçme Kundër Korrupsionit dhe Krimti të Organizuar, SPAK thotë se emri i ish-zëvendës kryeministrit Arben Ahmetaj nuk është regjistruar në asnjë vepër penale.
Reagimi i SPAK për mediat vjen vetëm një ditë pas akuzave të Sali Berishës i cili tha se kryeministri Edi Rama e shkarkoi Arben Ahmetajn në mënyrë që t’i hapë rrugë për t’u arratisur pasi është përfshirë në aferën e inceneratorëve.
SPAK hedh poshtë akuzat e Berishës duke deklaruar për media se Ahmetaj nuk është person nën hetim për ndonjë vepër penale në kompetencë të Prokurorisë së Posaçme.