Arben Ahmetaj është shfaqur për herë të parë në publik pas shkarkimit nga posti i zëvendëskryeministrit nga kreu i qeverisë, Edi Rama.
Ai foli në konferencën me temë “OPEN BALKAN – Sfidat kryesore dhe zgjidhjet lehtësuese për Rajonin”.
Një tjetër detaj që vihet re është dhe se ndryshe nga aktivitet e zhvilluara deri dje, fjalën e tij në aktivitetin e sotëm nuk e ka shpërndarë askush tjetër në rrjetet sociale, përveç tij.
“Do ndaj me të ftuarit që janë prezent dhe për ata që na ndjekin online një prezantim të përgatitur nga ana ime për të ndarë situatën dhe disa ide që mendoj se janë të domosdoshme në krizën aktuale globale që ka goditur rëndë qoftë energjinë, qoftë rrugët e furnizimit me mallrat më të domosdoshme, madje dhe ato ushqimore dhe konseguencën jashtëzakonisht shumë të rëndë të inflancionit që nuk është një fenomen as lokal, as rajonal, por një fenomen global. Është konseguencë e inavazionit rus në Ukrainë dhe kompleksiteti i krijuar sigurisht që ka të bëjë me të gjitha vendet e përfshira direkt apo indirekt në atë luftë”, tha Ahmetaj në fillim të konferencës.
Nuk dihet se pse Edi Rama zgjodhi që në ditën e parë të punës, Presidenti i ri të firmosë largimin e Ahmetajt nga posti.