Një ndryshim në ligjin për rezervat e Shtetit i jep të drejtë kryeministrit të vendos për shitjen e arit të Shqipërisë.
Sipas një projektligji të ri, ndryshon neni 10 i ligjit nr. 9900 datë 10.04.2008. Nëse më parë kjo e drejtë i takonte Këshillit të Ministrave me propozim të ministrit, tashmë i takon kryeminsitrit, për mallrat e grupit A.
Por cilat janë mallrat e grupit A?
Bëhet fjalë për prodhime ari, argjendi, platini etj., të kësaj natyre, mjete të rënda për çdo lloj transporti, Grurë, dhe mallra të ndryshme tepër vëllimore.
Në relacionin shpjegues të qeverisë thuhet se kjo bëhet për arsye që këto blerje të kryheshin sa më shpejt, dhe të mos vonoheshin nga mbledhja e qeverisë dhe hierarkia e akteve të tjera që kërkohej.

