Vera është një luftë e përjetshme kundër mushkonjave. Si ta shmangim këtë? Metoda më e mirë është përdorimi i insekticideve, por jo gjithmonë është mjaftueshëm.
Edhe një nga manjatët e mëdhenj të teknologjisë, miliarderi Bill Gates, po përpiqet të gjejë zgjidhjen përfundimtare. “E vërteta, fatkeqësisht, është se ne të gjithë kemi aromë si ushqim i shijshëm për mushkonjat”,-shpjegon ai përmes një postimi të ri në blogun e tij.
Ilaçi përfundimtar mund të vijë nga Zvicra, falë kompanisë dsm-firmenich, një kompani aromatike që punon në një formulë që përmban aroma që i largojnë mushkonjat. Puna nuk do të ndalet me kaq sepse po mendohet edhe prodhimi i kremrave për trupin.
“Ideja është që të fitoni një shtresë shtesë mbrojtjeje pa pasur nevojë të shtoni hapa të rinj në rutinën tuaj të përditshme ose të blini produkte të reja”, shton Bill Gates.