Presidenti turk Recep Tayyip Erdogan, do të propozojë rinisjen e bisedimeve mes Ukrainës dhe Rusisë dhe vendosjen e një armëpushimi, në takimin që pritet të zhvillojë së shpejti me liderin rus, Vladimir Putin.
Erdogan deri në këto momente, është lideri i vetëm botëror që ende gëzon besimin e Putin dhe Zelenskin. Më herët gjatë ditës, një deklaratë nga Kremlini konfirmoi se Rusia nuk po kërkon të kontrollojë territore të reja në Ukrainë, përveç atyre të shkruar në Kushtetutë.
Nga ana tjetër vijojnë luftimet e ashpra mes dy ushtrive në jug të vendit. Sipas raportimeve të fundit, një ish-deputet ukrainas u vra gjatë përleshjeve në frontin e Zaporizhzhia.