Policia e Kukësit përmes një njoftimi për mediat bën të ditur se po punon për kapjen e këngëtarjes Fjolla Morina, “arratisja” e së cilës një ditë më parë nga arresti i shtëpise u bë lajm i të gjitha mediave.
Mësohet se Fjolla jetonte në një shtëpi me qira përballë komisariatit të policisë së Kukësit.
Lexo edhe- Fjolla Morina thyen arrestin e shtëpisë, largohet në drejtim të paditur, ja çfarë rrezikon!
“Më datë 20.01.2021 u referuan materialet në Prokurorinë pranë Gjykatës së Shkallës së Parë Kukës, për veprën penale “Largimi i të burgosurit nga vendi i qëndrimit”, në ngarkim të shtetases F. M., 34 vjeçe, banuese në Prishtinë, e cila është me masë sigurie “Arrest në shtëpi”, të caktuar nga Gjykata e Shkallës Parë Kukës, pasi gjatë kontrollit të ushtruar nga Policia nuk është gjetur në banesë. Po punohet për kapjen e saj”, thotë policia.
Fjolla ishte në arrest shtëpie pasi u kap me armë në Morinë disa kohë më parë dhe çështja është ende në gjykim.