Policia e Shtetit ka reaguar më në fund zyrtarisht për arrestimet e lidhura me ngjarjen e grabitjes së Rinasit.
Në njoftimin zyrtar të policisë thuhet se janë ndaluar O. V., 38 vjeç, banues në Krujë, A. B., 34 vjeç, banues në Elbasan, me banim të përkoheshem në Tianë, i dënuar më parë për “Prodhim dhe shitje narkotikësh”, R. S., 25 vjeç, lindur dhe banues në Elbasan dhe S. Ç. 28 vjeç, lindur në Kajan Elbasan dhe banues në Elbasan.
Lexo edhe- Grabitja e Rinasit, kush janë katër të ndaluarit
Por policia e Shtetit nuk jep detaje për rolin që kanë luajtur të ndaluarit në grabitje. Por jep vetëm akuzat ndaj tyre që janë “Vjedhjes me armë të kryer në bashkëpunim” në kuadër të “Grupit të Strukturuar Kriminal”, ”Mbajtjes pa leje e armëve dhe municioneve luftarake” “Vrasje e Punonjësve të Policisë “ e kryer në bashkëpunim e mbetur në tentativë.
Policia thotë se gjatë operacionit për ndalimin e këtyre shtetasve janë përdorur teknika speciale hetimore dhe janë përfshirë strukturat operacionale të Drejtorisë së Përgjithshme të Policisë së Shtetit, të Drejtorive Vendore të Policisë Tiranë, Elbasan dhe Durrës.
Gjithashtu gjatë kontrolleve janë gjetur dhe sekuestruar në cilësinë e provës materiale, prova të shumta të cilat do të shërbejnë për thellimin e hetimeve dhe zbardhjen e plotë të ngjarjes.
Lexo edhe- Pronari i servisit ku u modifikua fugoni i grabitjes: E lashë me qira, por pa kontratë noteriale