Policia ka arrestuar dy marokenë të dyshuar për një sërë vjedhjesh të kryera në zonën e “Ali Demit” dhe te “Rruga e Barrikadave”.Në kuadër të operacionit “Befasia” janë sekuestruar në cilësinë e provës materiale sendet e vjedhura dhe një sasi parash.
Marokenët dyshohen si autorë të disa vjedhje telefonash dhe bizhuterish.
Marokenët e arrestuar janë Nouredin Boulan 23 vjeç dhe Hysein Albasari 30 vjeç, të dy banues në Tiranë. Në një nga rastet, ata i kanë vjedhur me dhunë sendet personale edhe një siriani me inicialet M. H. 30 vjeç.
Gjatë kontrolleve në banesat e autorëve u gjetën një shumë parash, bizhuteri, ora dore, celularë dhe sende të tjera.