Ambasadori i Malit të Zi në Poloni, njëkohësisht ish-Ministër i Shëndetësisë, Budimir Shegrt, është arrestuar sot, ka bërë të ditur nënkryetari i qeverisë Dritan Abazoviq.
“Është arrestuar ish-Ministri i Shëndetësisë dhe ambasadori i Malit të Zi, Budimir Shegrt. Nuk ka të paprekshëm! Lufta kundër korrupsionit të profilit të lartë mbetet prioritet”, ka shkruar në Tëitter, Abazoviq, transmeton Telegrafi.
Ai ka theksuar se do të dëshmohet që shteti është më i fuqishëm sesa krimi i organizuar.
Gjykatësja Lidija Vukçeviq, i ka caktuar masën e mbajtjes prej 72 orëve Shegërtit, drejtorit të dikurshëm të spitalit privat “Meljine”.
Shegrt në cilësinë e të dyshuarit ngarkohet me veprat si keqpërdorim i pozitës në rastin “Meljine”.
Në anën tjetër, gjykatësja Vukçeviq me 25 dhjetor gjatë një konference për median ka bërë të ditur se gjatë hetimeve është konstatuar se nga shitblerja e spitalit në “Meljine”, shteti është dëmtuar për të paktën 10 milionë euro