Policia italiane arrestoi një çift nga Shqipëria me akuzën e trafikimit dhe posedimit të drogës në qytetin e Mestre. Janë sekuestruar mbi 70 kilogramë lëndë narkotike, sasi e cila do të kapte vlerën mbi 1 milion euro nëse do të dilte në shitje.
Një tjetër makinë është gjetur në oborrin e shtëpisë së çiftit, ku ishin fshehur 20 kilogramë hashash. Gjithashtu, janë konfiskuar rreth 300 gramë kokainë që ishte fshehur në tubin e evakuimit të tymit të shtëpisë. Në shtëpi janë gjetur edhe çelësat e një depoje tjetër droge, e cila ndodhej pak kilometra më tutje.