Pasi avioni i tij privat u ul në aeroportin e Le Bourget, policia franceze ka arrestuar shefin ekzekutiv të Telegram, Pavel Durov. Arrestimi i tij ka të bëjë me aplikacionin e famshëm të shkëmbimit të mesazheve, ndërsa u raportua se ambasada ruse në Francë po ndërmerr hapa të menjëhershëm për të sqaruar situatën.
Telegrami është një aplikacion shumë popullor në Rusi, Ukrainë dhe shtetet e ish-Bashkimit Sovjetik. Aplikacioni u ndalua në Rusi në vitin 2018, pas refuzimit nga Durov për të dorëzuar të dhënat e përdoruesve, por ndalimi u anulua në vitin 2021.
Telegrami renditet si një nga platformat kryesore të mediave sociale pas Facebook, YouTube, WhatsApp, Instagram, TikTok dhe Wechat.