Teksa vijon operacioni për përballimin e situatës së krijuar nga flakët në Krujë, Ministri i Brendshëm, Besfort Lamallari, bëri me dije se është arrestuar personi i dyshuar për zjarrvënien.
Në kuadër të masave për mbrojtjen e banorëve, strukturat policore kanë nisur evakuimin e pjesshëm të banorëve që ndodhen pranë zonës së përfshirë nga zjarri, pas kërkesës së pushtetit vendor.
Forcat e emergjencës dhe strukturat e Policisë së Shtetit ndodhen në terren, ndërsa autoritetet kanë vënë në dispozicion mjetet dhe kapacitetet e nevojshme për menaxhimin e situatës.
Operacioni do të vijojë deri në neutralizimin e plotë të rrezikut dhe vënien nën kontroll të vatrave të zjarrit.