Vera rozë është pija e kësaj vere. Edhe pse duket se preferenca për këtë lloj vere doli nga hiçi, historia e suksesit të saj ka disa vite që po përpunohet.
Cilësia e verës rozë është përmirësuar shumë në tre vitet e fundit. Më parë, vera rozë bëhej nga mbetjet e verës së kuqe. Ndërsa tani, shumë prodhues po e bëjnë nga fillimi këtë verë.
Çfarë do të thotë kjo? Cilësia e saj është e njëjtë me atë të verës së bardhë dhe të kuqe. Shtoji kësaj që vera rozë është e përballueshme nga buxheti i shumicës së familjeve.
Kërkimet në Google për verën rozë (në SHBA) janë rritur ndjeshëm në dhjetëvjeçarin e fundit, por fluksi më i madh i kërkimit erdhi në korrik të vitit 2017 + 2018. Që nga ajo kohë, shitjet e verës rozë janë rritur me 35%, sipas “ABC News”.
Në Nju Jork, gjatë kësaj vere do të mbahen edhe dy evente kushtuar verës rozë që do e bëjnë edhe më të famshme atë.
Sot për sot, kjo është pija më e famshme në Instagram. Mjafton të kërkoni “hashtag”-ët #YesWayRosé, #RoséAllDay dhe #RoséSeason dhe do të gjeni mijëra foto të rinjsh me gotat e verës rozë në duar.