Gazetari Artan Hoxha tha në emisionin se në Malin e Zi është kapur një triler cisternë e modifikuar brenda së cilës është gjetur 300 kg drogë.
Hoxha pyeti ministrin e Brendshëm Beldi Çuçi, i cili tha se nuk është në dijeni të kësaj ngjarje, por theksoi se Policia ka marrë masat e nevojshme për luftën ndaj trafikut të lëndëve narkotike.
A është në dijeni ministri që autoritetet malazeze sapo kanë kapur një triler cisternë që po shkonte nga Shqipëria në drejtim të Bonjës me 300 kg kanabis?
Lajmin nuk e di se nuk flas me thashetheme. Unë kam përgjegjësi kur them diçka dhe dua ta verifikoj kur ta them. Është fakt që në Itali nuk është kap asnjë gomone me kanabis. Dhe kjo tani është korrja e dytë. Kjo tregon që jemi efikas në luftën ndaj trafikut të narkotikëve.
Pjesë nga biseda:
Artan Hoxha: Numri i vrasjeve nuk reflekton situatën, a është në dijeni se autoritetet malazeze kanë kapur një trajler me 300 kg kanabis. Është cisternë e modifikuar…
Çuçi: Sivjet nuk është kapur asnjë gomone me kanabis dhe hashash në Itali. E di shumë mirë ti Tani se është korrja e dytë kjo. Je ekspert i kësaj pune. Ti ke thënë vetë që çmimi është rritur. Kjo reflekton tregun. Ju ftoj të bëjmë një debat vetëm për këtë punë.
Artan Hoxha: Interesohuni për Podgoricën se është grup i fuqishëm dhe kanë përdorur një metodë të re.
Çuçi: Kjo tregon se jemi efikas, se kriminelët po kërkojnë forma të reja.