Gazetari Artan Hoxha thotë se tregu i krimit në Shqipëri është i tejmbushur dhe u ofron kriminelëve larmishmëri armatimesh e drogërash, që nga ato me cilësi të dobët, deri te cilësia më e lartë.
Hoxha tha se kjo është zbuluar në të gjitha operacionet e infiltruara të Policisë së Shtetit, ku sa herë ka porositur armë, drogë, apo mina me telekomandë e ka marrë porosinë.
“Këtu, sa herë që policia në operacionet e saj të infiltruara, edhe nga struktura antiterror ka porositur mina, mina ka marrë. Ka porositur kokainë të cilësisë më të lartë, kokainë të cilësisë më të lartë ka marrë”, tha Hoxha në emisionin “Opinion”.