Besa Spaho, është drejtoresha e re e Kadastrës së Korcës, prezantuar ditën e sotme nga kreu i Kadastrës Artan lame. Artan Lame tha nga Korça se prezantimi i Besa Spahos,drejtoreshës së re të Kadastrës, u bë në ambientet e reja të saj, ndërsa Korça ka më shumë probleme në fushën e ilegalitetit në ndërtime dhe zënien e tokës.
“Kohët e fundit një pjesë e drejtorive të kadastrës kanë kaluar në proces rikonstrkturimi. Në rang republike Korça ka më pak problematika në fushën e ilegalitetit në ndërtime dhe zënien e tokës. Po ju sjell pjesë nga një dokument që mban datën 21.11.1944. Po vihet re se shumë banorë te këtij qyteti po ndërtojnë pa pasur leje të posaçme nga ana e këtij këshilli dhe pa u respektuar plani përkatës. Duhet të ndaloni çdo ndërtim që nuk do të ketë lejen e seksionit botor të këtij këshilli. Por problemet më të mëdha të pronave ky qark,në të gjithë trevën përbërëse nga Maliqi në Kolonjë i ka në tokë. Kur them këtë nuk e kam fjalën për zënien e tokës se në Korçë nuk është problem zënia e tokës, por me certifikimin e tokës me pajisjen masive të fshatit me certifikimin. Në këtë qark procesi i zbatimit të ligjit 7501, janë shpërndarë rreth 36500 AMPK. Pjesa dërmuese e tyre janë ende të pa certifikuara dhe kjo përbën sfidën më të madhe të këtij institucioni në vijim. Sfida e madhe është certifikimi i tokës bujqësore. Korça dhe treva e saj është metropoli i Shqipërisë juglindore,për t’iu përshtatur këtij statusi duhet një ritëm tërësisht i ndryshëm pune. Prezantimi i Besa Spahos,drejtores së re të Kadastres, u bë në ambientet e reja e cila sapo i është dhënë kadastrës së Korçës nga qeveria“, tha Lame.